Dùxwì I.III. ΩΔ ΔΩ ‖ Δ Δ Δ Δ Afɔ̀ yì hɛnkɛ́n

Mǎwǔnyɔ́ Sɛ̀nsɛ́n
(Mahougnon Sinsin)

Nǔbiɔ́xà
Kokló asìnɔ nɔ yì axì yayǎ ǎ
Ɖě jɛ́n gbɔ̀n.
Ɖè hwɛ̀n tà towe
Kpé nùkún nà towe wú.

Túnmɔ̀
Tò ɖɔ̀:
Mɛ’sì d’áfɔ̀ hɛnkɛ́n
Nɔ kplá asisínɔ yì agɔsú savà
Heelú è ma lɔ̀n ó !
Bò ma wlí nú mɛ’sì
Nɔ dɔ̀n nà’fɔ̀ yì gbɛnde mɛ
Heelú è ma lɔ̀n ó !
Lǒdotɔ́:
È kanbiɔ́ gblǒnɔ ɖɔ̀
Fítɛ́ xɔnɔ̀ tɔn ka gbɔ̀n zǎnxwetè:

• O tú wɛ bɔ̀ un ná sɔ́ kplá à ?
  Gblǒɖɔtɔ́ ɖɔ̀ mɔ̌ mì ma sé à ?
  È ɖɔ̀ nú gblǒnɔ ɖɔ̀
  Xɔnɔ̀ tɔn d’áfɔ gbě ɖò Kútɔnú
• Gbě ɖě kú ɖò Kú ɔ́ tɔnú ǎ.
  Gblǒɖɔtɔ́ ɖɔ̀ mɔ̌ mì ma sé à ?
  Kokló asìnɔ nɔ yì axì yayǎ ǎ
  Zǎn kú b’àsú gbɛ̀ zàn
  Zǎn dó bɔ nà sa ‘sú vò
  Kokló asìnɔ nɔ yì axì yayǎ ǎ

Dàndàn ɖě jɛ́n gbɔ̀n
È ma lɔ̀n ó, tò ɖɔ̀.
Fiɔ ’sì yì sɔ́ nǔ ɖò gbɛnde mɛ
Gbe Wolí súxó bó ɖɔ̀ sava wá.
Ô Alafɔcɛ́, alɔ̀ tɛ́ è ka sixú ɖù ná
Xó éyɛ́ sɛ̀ hǔn yi agà
Dù ɖɔ̀ mɛ wɛ dó vɛ̌ nú nǔ
Bɔ nǔ ma ná jɛ̀ jɔ̀
Kokló asìnɔ nɔ yì axì yayǎ ǎ
Asisínɔ tà wɛ agbàn ná yì
Asisínɔ savò bó sá’vɔ̌
Nà afɔ̀klɛ́ntɔ́ savò bó sá’vɔ̌
Afɔ̀ e klɛ́n nǔ bó j’àyǐ é ɔ́
Sɛ́n wɛ è ka nɔ sɛ́n à ?
Eo, Dù ɖɔ̀ klɔ́ wɛ è nɔ klɔ́
È bo klɔ́ kpláwún nú do ní sú.
Amɔ̌, afɔ̀kíklɛ́n nyǐ ɖě
Hwìhwé-hwìhwé nyǐ ɖěvo
Lǒdótɔ́ dó nǔbiɔ́xà:
Nyaɖé xwè ahwàn bó ɖɔ̀ nú
Xɔnɔ̀ tɔn e nɔ dán bléblé é ɖɔ̀
Sìn kɛ́ɖɛ́ wɛ ní jɛ̀ nù towe
Káká nú ma lɛ́kɔ wá;
È ɖɔ nú xósetɔ́ ɔ́, é nɔ sé !
Nyà yì ahwàn bó wá, vǐ ko ɖ’ayǐ
Awo, nàwé ce, fítɛ́ vǐ ka gosín?
Sɛ́n à dǒ é wɛ un nyì mɛ 
È ɖɔ nú xósetɔ́ ɔ́, é nɔ sé !
Nyɔ̌nù xwégbatɔ́ xó ɖié
Nǔ e asisínɔ nɔ wa é
Bǐ è wà có é gló
Kpláwún è ni sɛ́dó daa tɔn xwé
Nú xó ní fó kpláwún !
Nyɔ̌nù xwésinɔ
Nyɔ̌nù xwéhɛntɔ́ nɔ ɖɔ̀:

Kàn ce ko biɔ́ kàn towe mɛ
Kàn ko cá, hùn ko cá
Gbeɖé un ma ná tún kàn
Sɛ́ ma lɔ̀n ó, Gbɛ̀ ma lɔ̀n ó
É ɖɔ̀ nú asú ɖɔ̀:
Kúhǔn, nú ayì towe jɛ̀ dò
Nùkún ce ná nɔ wǔ towe
Mǐ ná víví b’á nɔ síslɛ̌ ɖɔhún.

Gbɛsù
Mɛ’sì d’áfɔ̀ hɛnkɛ́n
Nɔ kplá asisínɔ yì agɔsú savà
È ma lɔ̀n ó !